Денеска екипата на Е. Пелистер славеше во Суперкот на Македонија во СЦ „Борис Трајковски“ – Скопје против составот на Вардар 1961 со резултат 31:22.

Тренерот на Вардар 1961, Веселин Вујовиќ се одлучи за комбиниран состав, воглавно со македонските играчи од кои не беше задоволен, тука беа уште стандарните Валчак, Гаџа и Дибиров, а од новите засилувања настапија само Србинот Ѓукиќ и Кубанецот Моралес.

– Немам забелешка на победата на Еурофарм Пелистер, прв натпревар од многу колку што ќе ги имаме оваа сезона. Ние сме далеку од правата форма, играчите се далеку од онаа потребна енергија за да биде Вардар тоа што е.

Можеби ова е добра опомена на стартот, има уште многу да се игра, ќе се трудиме да промениме нешто, некои играчи мора добро да се замислат дали ќе можат да го носат дресот на Вардар.

Недостасуваше Гурбиндо, сигурно во следните мечеви ќе биде Кудуз, тие се играчи кои драстично го менуваат составот и енергијата во самата екипа, а тука се и двајцата Французи Тото и Диало. Денеска помина така, а на турнирот во Струга ќе пробаме поразлично и во Лигата на шампионите поразлично. Така што, пред нас имаме долг пат.

Денеска од ништо не сум задоволен, од загревањето. Што треба да кажам после пораз од девет разлика, особено македонските играчи за кои се вложува, со кои доста работам, на кои размислувам, покажаа дека се далеку од квалитетни. Доколку продолжат вака, имаме голем проблем – рече Вујовиќ по натпреварот во Суперкупот.

ФОТО: Суперкуп трофејот во рацете на Е. Пелистер, прекината доминацијата на Вардар