Минатиот месец 12 европски гиганти (Манчестер сити, Манчестер јунајтед, Челси, Арсенал, Ливерпул, Тотенхем, Реал Мадрид, Барселона, Атлетико Мадрид, Милан, Јувентус и Интер) предизвикаа фудбалски земјотрес со одлуката да формираат свое натпреварување, Суперлигата.
Но „лигата на богатите“ не заживеа бидејќи по само 48 часа од нејзиното формирање, истапија шесте англиски екипи, а по нивните стапки тргнаа и Атлетико Мадрид и Милан и Интер.
Единствено Јувентус, Реал Мадрид и Барселона не планираат да се откажат од Суперлигата дури и по цена на суспензија од УЕФА, бидејќи се поизвесно е дека имаат поддршка од ФИФА.
Според американскиот весник, претседателот на ФИФА, Џани Инфантино наводно бил дел од овој проект и на состанокот со клубовите ја поддржал нивната идеја за формирање на Суперлигата. Инфантино со клубовите разговарал за идејата победникот во Суперлигата да игра на светското клупско првенство, а исто така се разговарало да се најде начин да не се казнат фудбалерите доколку би играле во Суперлигата.

Подоцна откако притисокот кон клубовите основачи стана преголем и се вклучи дури и британската влада, ФИФА излезе со соопштение дека не ја поддржува Суперлигата и дека ќе ги казни сите учесници во истата.
Според „Њујорк тајмс“, организаторите на Суперлигата биде шокирани од ваквиот пресврт на настаните, односно менувањето на курсот на политика на ФИФА.