Откако раскина со пејачката Кети Пери, актерот Орландо Блум за првпат јавно проговори за својата емоционална состојба и нивниот развод, пренесува „Њујорк пост“.

Познат по тоа што ретко зборува за својот приватен живот, четириесет и осумгодишниот актер ниту овој пат не беше премногу зборлив, но јасно стави до знаење како се чувствува.

„Одлично сум. Многу сум благодарен“, рече Блум, нагласувајќи дека нивната петгодишна ќерка Дејзи е неговиот најголем дар.
„Имаме најубава ќерка. Кога ќе оставиш сè на теренот, како што направив јас во новиот филм, се чувствуваш благодарен за сè.“

Во своето размислување за неговата сегашна врска со неговата поранешна партнерка, тој додаде краток, но моќен заклучок:

„Добро сме. Ќе бидеме добро. Ништо освен љубов.“

Веста за разделбата на двојката беше потврдена на 3 јули, кога нивните претставници објавија дека Кети и Орландо повеќе не се заедно. Извор близок до пејачот во тоа време нагласи дека Кети има јасна намера да одржува позитивен и почитувачки однос со Блум.

„Тој е татко на нивната ќерка и тоа секогаш ќе биде нејзин приоритет“, рече изворот, додавајќи дека тие поминале низ многу работи заедно и дека, иако одлучиле да тргнат по свои посебни патишта, сепак постои меѓусебно почитување меѓу нив. Тие се во постојан контакт и ја одгледуваат Дејзи заедно, решени да ги одржат работите пријателски – заради детето.

Нивното заедничко појавување на почетокот на јули во Италија, каде што беа фотографирани на одмор со нивната ќерка, дополнително потврди дека меѓу нив нема лоши односи и дека нивната ќерка Дејзи е нивниот апсолутен приоритет.

ФОТО | По гласините за романсата меѓу Кети Пери и Џастин Трудо, Орландо Блум реагираше на шегата дека бил виден со Ангела Меркел