Се поставува штит над складиштето за искористениот нуклеарен отпад во нуклеарната централа Запорожје во јужна Украина за да се заштити од гранатирање и беспилотни летала, изјави во саботата официјален претставник на Русија, пренесува Ројтерс.

Видео снимката објавена од Владимир Рогов, службеник назначен од Русија во украинската провинција Запорожје, покажува работници како монтираат екран од нешто што изгледа како некаква проѕирна фолија на жици над десетици бетонски цилиндри високи околу 5 метри.

„Засега ќе штити од шрапнели и ИЕД (импровизирани експлозивни направи) фрлени од беспилотни летала. Но подоцна тоа ќе биде значителено важно“, рече тој

Борбите за најголемата нуклеарна централа во Европа во 10-месечниот конфликт ги зголемија стравувањата од можна нуклеарна катастрофа во стилот на Чорнобил.

И Киев и Москва се обвинуваат меѓусебно за непромислено гранатирање на централата, чии шест реактори се исклучени.