Новиот сопственик на хотелот „Плат“ во Дубровник ќе инвестира 100 милиони евра
Трансакцијата со која компанијата „Kaризма Ресортс Интернешнл“ стана мнозински сопственик на хотелот „Плат“ во Дубровник е завршена. Од компанијата велат дека оваа трансакција ќе го отвори патот за ревитализација на хотелот и самиот град Дубровник, објави „Вечерњи лист“.
Се дознава дека вредноста на планираната инвестиција во проектот е повеќе од 100 милиони евра. Каризма со целосно преземање на сопственоста и управувањето сака да овозможи реализација на амбициозните планови за Хотел Плат во однос на најдобрите глобални практики интегрирани во локалната заедница и еколошките стандарди.
Каризма дополнително информира: „Тоа е еден од најубавите делови на жупанија Дубровник, кој се наоѓа на 15 километри од градот Дубровник и на само 10 километри од аеродромот во Дубровник, со голем потенцијал за дополнителен развој на туризмот, но и за развој на локалната заедница, пред се преку придонес во буџетот, користење на професионална локална работна сила и соработка со локални добавувачи на производи и услуги.
Каризма е една од водечките групи во светот во областа на хотелскиот менаџмент со широко угостителско знаење во развојот и управувањето со туристички проекти од висок профил, и повеќе од 8.000 вработени во дури 25 туристички одморалишта во портфолиото. Каризма има и стратешко партнерство со Парамунт за Никлодеон Хотелс & Ресортс во Мексико и Доминиканската Република.