Долгоочекуваното повторно обединување на „Пријатели“ ќе се случи на 27 мај, а во специјална епизода ќе се појават познати гости како Џастин Бибер, Лејди Гага и многу други, објави стриминг сервисот „HBO Max“.

Еднократниот специјал без сценариото беше снимен неодамна на истата сцена во Лос Анџелес како и оригиналната комедија за шесте пријатели кои живеат во Њујорк.

Култната серија „Пријатели“ која заврши во 2004 година, беше една од најпопуларните ТВ серии во 90-тите години и заживеа на стриминг платформите како една од најгледаните серии низ целиот свет.

 

View this post on Instagram

 

A post shared by HBO Max (@hbomax)

На специјалното обединување ќе имаме шанса повторно да ја видиме актерската екипа составена од Џенифер Анистон, Лиза Кудроу, Кортни Кокс, Дејвид Швимер, Мет Лебланк и Метју Пери.

„HBO Max“ објави дека повеќе од 15 познати гости ќе се појават во специјалната епизода, вклучително и поранешните членови на „Пријатели“ како Том Селек (Ричард) и Меги Вилер (Џенис), но и други како британскиот фудбалер Дејвид Бекам, актерот Кит Харингтон и пакистанската добитничка на Нобеловата награда за мир, Малала Јусафзаи.