Нови членови во Законот, па потоа во Судскиот совет. Кој е следен? Ова е еден од транспарентите кој беше поставен пред Кривичниот суд пред почетокот на судскиот процес против Зоран Јованов таткото на Васил Јованов кој во јануари ја прегази младата Фросина Кулакова.

На другиот транспарент пишуваше “Експертски судски реформи”.

Ова беа и пораките кои ги упатуваше таткото на Кулакова, Тодор Кулаков откако Јованов беше осуден на 12 години затвор.

Таткото и сестрата на Фросина, Росица Кулакова се присутни на рочиштето.

Обвинителството го товари Зоран Јованов за кривично дело „предизвикување општа опасност“, бидејќи во периодот од ноември 2022 до јануари 2025 година му дозволувал на својот син, кој немал возачка дозвола, да управува возило, иако бил свесен за ризиците и претходните нарушувања на законот од страна на неговиот син.