Во дискусијата околу „најдобриот тенисер на сите времиња“, Новак Ѓоковиќ има многу аргументи, а време е да објавиме уште еден кој никако не треба да се игнорира.

Имено, српскиот ас има најдобар процент на победи против Топ 10 тенисери, што потврдува дека тој бил најдобар кога беше најважно. Честопати жрепките не одеа во негова корист, тој мораше да оди по потешкиот пат до трофејот, и токму тогаш го играше најдобриот тенис – полн со мотивација!

Во досегашниот дел од својата кариера, Ѓоковиќ има ефект од 215 победи и 100 порази над тенисерите кои во тој момент биле меѓу најдобрите 10 на АТП-листата, што е 68,3%.

Рожер Федерер (224-123) има девет победи повеќе од него, но вреди да се напомене дека неговите проценти се пониски (64,69%), како и дека резултатот е постигнат на 32 повеќе натпревари и во текот на шестгодишниот подолг период на АТП-турнејата кој Ѓоковиќ наскоро ќе го прескокне.

Последниот член на „големата тројка“, Рафаел Надал, сериозно заостанува, бидејќи има учинок од 174 победи и 95 порази над тенисерите од Топ 10 (66,7).

Пит Сампрас, најдобриот тенисер на светот до појавувањето на Федерер, Надал и Ѓоковиќ, кој играше во многу послаба ера, имаше ефект од 124 победи и 71 пораз, додека, на пример, Лендл застана на 166-92, Бекер на 121-65, Агаси на 109-90..