Неодоливо вкусен десерт: Рецепт за торта со смокви
Во прашање е многу едноставна торта со смокви, а можете да го направите со некое друго овошје како сливи, јаболка, круши и да го збогатите по вкус со цимет. Исто така, свежите смокви можете да ги замените со суви, но прво натопете ги во вода.
Состојки:
За основата
– 4 јајца
– 6 лажици масло
– 2 лажици какао
– 2 лажици брашно
– 1 лажичка ванилин шеќер
– 4 лажици шеќер
– прстофат прашок за пециво
– смокви (околу 15 парчиња или околу 300 гр.)
За глазурата
– 100 гр темно чоколадо
– 1 лажица путер или 4 лажици масло
Подготовка:
Одделете ги белките од жолчките. Во жолчките додадете го маслото, какаото, ванилин шеќер, брашното, прашокот за пециво и измешајте.
Во друг сад, изматете ги белките додека не се стегнат, а потоа додадете го шеќерот и матете додека смесата не стане сјајна, мазна и цврста. Во смесата од останатите состојки постепено додавајте ја белката и соединете ги сите состојки.
Намачкајте го калапот за печење и посипете го со брашно. Истурете ја смесата, наредете ги смоквите и печете во загреана рерна на 170 степени околу 25 минути.
Изладената торта прелијте ја со чоколадната глазура. Подгответе ја глазурата на вообичаен начин – растопете ја чоколадата на пониска температура со додавање на путер или масло.
