Во минофрлачки напад на азербејџанските сили загинаа тројца ерменски војници, соопшти министерството за одбрана на Ерменија.

-Во минофрлачкиот напад на азербејџанските сили врз позициите на ерменската војска загинале тројца војници, а двајца се ранети. Во тек се вооружени судири, се наведува во соопштението, јавува ТАСС.

-Утрово околу 4.30 единиците на азербејџанските вооружени сили повторно го прекршија договорот за прекин на огнот во североисточниот сектор од пограничното подрачје. Во тек се локални оружени борби и во 6 часот наутро тие се уште траат. Одговорноста за влошувањето на ситуацијата го сноси воено-политичкото раководство во Баку, се наведува во соопштението.

Во североисточниот сектор од пограничното подрачје владее напнатост уште од 12 мај, наведува ТАСС.

Министерството за одбрана на Ерменија тврди дека азербејџанските вооружени сили недозволено ја преминале ерменската граница и влегле на територија на Ерменија.