Пратеникот на ГРОМ, Љупчо Пренџов, во вечерашната емисија „Само вистина“ на Канал 5 рече дека предвремени избори во земјата не бара само опозицијата, туку и мнозинството на граѓани во земјата

-Предвремените избори не ги бара само опозицијата, туку и големото мнозинство на граѓани во земјава. Во Собранието имаме слика на фатаморгана, нешто кое не е реално се прикажува дека е реално, го велам ова затоа што кога ќес е изгуби со повеќе од 120 илјади гласа на градоначалнички листи и кога ќе ви бараат избори, а притоа имате коалициони проблеми тогаш не може да правите победничка слика кога сте успеале на не знам каков начин да придобиете опозициска партија за во власта, не значи дека и граѓаните го мислат тоа, рече Пренџов.

Тој вели дека реалноста е променета, а СДСМ треба да сфати дека партиите не владеат со државата, тие управуваат, а управуваат врз основа на поддршка од граѓаните.

-Во ситуација кога граѓаните не даваат поддршка на политиките на власта и сметаат дека се неработници и неспособни тогаш „купувањето на партија“ за 64 пратеници не го решава проблемот, тоа е фатаморгана односно измислена реалност, реалноста е дека граѓаните не се задоволни од оваа власт, додаде Пренџов.