
НБА трансфери: Јута го размени Гобер во Минесота, Зајон Вилијамсон доби богатство од Њу Орлеанс
Првиот ден од преодниот рок во НБА лигата донесе голем број размени, а најзвучно име кое го промени клубот е еден од најдобрите дефанзивци Руди Гобер кој од следнатата сезона ќе настапува за Минесота тимбервулфс.
Препорачано
Новинарот Адријан Војнаровски објави дека Јута џез го размени Гобер во Минесота за Малик Бисли, Патрик Беверли, Вокер Кеслер (избор од годинешниот драфт), заедно со неколку избори од првата рунда во следните драфтови и изборот од 2029 година кој ќе биде меѓу првите пет.
Со оваа размена се решени проблемите во тимот бидејќи Гобер е во лоши односи со првата ѕвезда на екипата, Донован Мичел.
Utah is trading Rudy Gobert to Minnesota, sources tell ESPN.
— Adrian Wojnarowski (@wojespn) July 1, 2022
Гобер девет сезони настапува во НБА лигата, а во последните шест години беше дел од најдобрата одбранбена петорка, а три пати беше прогласуван за најдобар дефанзивец во лигата. Минатата сезиона просечно постигнуваше по 15,6 поени и 14,7 скока по натпревар.
Њу Орлеанс Пеликанс се одлучи да ризикува со својата најголема ѕвезда, Зајон Вилијамсон му понуди максимален договор, 231 милион долари за пет сезони.
Овој потег на Њу Орлеанс ја изненади јавноста бидејќи Вилијамсон во првите три сезони одигра само 75 натпревари поради проблеми со повредите и прекумерната тежина, кошаркарот моментно тежи дури 130 килограми.
Денвер продолжува да гради тим за кој управата се надева дека ќе може да му помогне на Никола Јокиќ сериозно да се замеша во борбата за титулата. Крилото Брус Браун јуниор од Бруклин Нетс потпише двегодишен договор вреден 13 милиони долари до Денвер.
Актуелниот шампион Голден Стејт Вориорс реши да не ја продолжи соработката со двајца играчи кои придонесоа за освојување на титулата. Гери Пејтон јуниор ќе заработи 28 милиони долари за три сезони во Портланд треилблејзерс, додека Ото Портер потпиша за Торонто.
Рики Рубио потпиша тригодишен договор со Кливленд кавалирс за 18 милиони долари.
Чикаго не ја пропушти можноста да потпише максимачен договор со својот најдобар играч Зек Лавин. Лавин кој минатата сезона постигнуваше просечно по 24,4 поени потпиша петгодишен договор со Чикаго за 215 милиони долари.
Zach LaVine is signing a $215.2M, five-year contract with the Bulls, per @ShamsCharania pic.twitter.com/j2vZHPdEa6
— Bleacher Report (@BleacherReport) July 1, 2022
Јусуф Нуркиќ потпиша четигодишен договор со Портланд за 70 милиони долари, додека Мичел Робинсон останува во Њујорк Никс и во наредните четири сезони за што ќе инкасира 60 милиони долари.
Бостон селтикс направи размена со Индијана пејсерс со која го доби ол стар бекот Малком Брогдон. За да дојде до Брогдон, Бостон се откажа од Даниел Тајс, Арон Несмит и избор од првата рунда на драфтот во 2023 година.
Голден Стејт одлучи да го задржи својот центар Кевон Луни кој се согласи да потпише тригодишен договор вреден 25,5 милиони долари.