За да ги утешат блиските и саканите луѓе, многумина често ќе им кажат дека „наутро сè ќе биде подобро“. Научниците успеаја да докажат дека тоа навистина е така.

Најсреќни наутро

Опсежната студија покажала дека утрото е време од денот кога луѓето најчесто се чувствуваат најдобро.

Истражувањето го потврдило и она во што многу луѓе се склони да поверуваат, а тоа е дека се чувствуваат посреќно и подобро во летните месеци отколку во зимскиот период.

Експертите ги анализирале податоците собрани меѓу 49.218 возрасни лица како дел од социјалната студија за ковид-19 на Универзитетскиот колеџ во Лондон (УКЛ), која ги следела испитаниците од март 2020 до март 2022 година.

Резултатите покажале дека луѓето генерално се разбудиле „чувствувајќи се исклучително добро, најдобро“, но до полноќ постепено се чувствувале сè полошо, за да кажат дека тогаш „се чувствувале најлошо“.

Научниците исто така утврдиле дека „исто така постои врска помеѓу доброто расположение и одреден ден во неделата, па располагаат со особено силен доказ дека луѓето се чувствуваат подобро и психички и физички во текот на летото“.

Резултатите од студијата британските научници ги објавија во стручното списание „БМЈ ментал хелт“ (BMJ Mental Health), со заклучок: „Генерално, наутро работите изгледаат подобро“.

Британските истражувачи веруваат дека студијата покажала дека промените, кога станува збор за менталното здравје и за благосостојбата, во текот на денот може да се објаснат и со физиолошки промени поврзани со телесниот часовник.

„Кортизолот, хормон чија најважна задача е да обезбеди доволно енергија во моментите на интензивен стрес, бидејќи го регулира расположението, мотивацијата и стравот, го достигнува својот врв веднаш по будењето, а неговото ниво е најниско кога е време за спиење“, заклучуваат тие.

Најсреќни сме во вторник

Научниците забележале и дека менталното здравје на повеќето од испитаниците било подложно на промени во текот на викендот, но работите станувале постабилни во текот на неделата.

За потребите на студијата, научниците ги следеле осцилациите во менталното здравје на учесниците во студијата (на пример, симптоми на депресија и/или анксиозност), осцилации во чувството на среќа, задоволството од животот, чувства дека животот вреди и осцилации во поглед на чувството на осаменост.

Испитаниците одговарале на прашалниците кои им биле понудени, а кои содржеле прашања од типот: „Колку среќно се чувствувавте минатата недела?“, „Колку сте задоволни од вашиот живот?“ и „До кој степен чувствувате дека работите што ги правите во животот се вредни поради напорот и трудот?“

Биле земени предвид факторите како возраста, здравствената состојба и дали луѓето биле вработени.

Резултатите покажале дека оценките за среќа, задоволството од животот и за смислата на животот биле повисоки во понеделник и петок отколку во недела. Во исто време, се покажало дека испитаниците одговориле дека се најсреќни во вторник.