Доколку веќе практикувате некоја физичка активност или размислувате да започнете фитнес рутина, новото истражување може да биде совршена препорака за вас, пишува „Хелти“ (The Healthy).

Неодамнешната студија, објавена во рецензираното научно списание „Атеросклероза“, а која је спроведоа истражувачи од Универзитетот Тулан (во соработка со Универзитетот Харвард) се фокусираше на одредена форма на вежбање што била изненадувачки ефикасна за здравјето на срцето, дури и на ниски нивоа: а тоа е качување по скали.

Вежбата ја смислиле научниците

Студијата анализираше голема група на возрасни од базата на податоци на британската „Биобанк“, сеопфатна база на податоци од повеќе од 450.000 возрасни лица во Велика Британија на возраст меѓу 40 и 69 години.

Оваа база на податоци следи различни метрики и промени во здравјето на учесниците со текот на времето.

Колку треба да вежбате?

Резултатите од студијата покажаа дека луѓето кои се качувале повеќе од пет ката дневно, што е да речеме 50 скалила, имале 20 отсто помал ризик од коронарна срцева болест, мозочен удар и слични компликации.

„Кратките „напади“ на качување по скали со висок интензитет се временски ефикасен начин за подобрување на кардиореспираторната кондиција“, заклучил д-р Лу Чи, коавтор на студијата и професор на Факултетот за јавно здравје и тропска медицина на Универзитетот Тулана.

Ако почнете да вежбате, не престанувајте

Податоците за студијата биле собрани во просечен период на следење од 12 години. Се покажало дека луѓето кои качувале повеќе скали имале помал ризик од срцеви заболувања.

Исто така, утврдено е дека, ако веќе редовно практикувате качување по скали, важно е да го одржувате тоа ниво на активност, бидејќи студијата покажала одредени недостатоци кај оние кои ја прекинале практиката.

Всушност, оние кои престанале да се качуваат по скали имале значително поголем ризик од срцеви болести во текот на студијата, што било впечатливи 32 отсто поголем ризик во споредба со оние кои воопшто не се качувале по скали.

Качувањето по скали може да биде особено ефикасно, дури и со помал број чекори, бидејќи ги ангажира големите мускули на нозете, најголемата група на мускули која му овозможува брзо движење на кислородот низ телото и претставува вежба за сила и кардиоваскуларна вежба.

Подготовки за вежбање

Меѓутоа, како што истакнува Лаура Вилијамс Бустос, експертка за фитнес со мастер диплома од областа на спортските науки, качувањето по скали може да биде предизвик.

Важно е да се загреете и да започнете полека, кога ја воведувате оваа вежба во вашата дневна рутина.

Интегрирањето на качувањето по скали во вашиот живот, како што е користењето на скалите додека извршувате работи или одите во канцеларија, е одлична идеја, но не се обидувајте да трчате спринт до 12-ти ка првиот ден.