Насилен понеделник во Битола, полицијата забележа пет тепачки во еден ден

Дури пет случаи на физички пресметки, насилство и нарушување на јавниот ред и мир се регистрирани во полицискиот билтен во Битола вчера, соопшти Секторот за внатрешни работи од овој град.

„На 06.09.2021 во СВР Битола, М.К.(60) од Битола пријавил дека во населбата Карпош тој и А.К. (24) биле физички нападнати од 34 годишник од градот. Истиот ден, 28–годишна жена пријавила дека нејзиниот сопруг физички ја нападнал. Се преземаат мерки за расчистување на двата случаја, соопшти полицијата.

Исто така вчера, во СВР Битола, 21-годишен жител на градот пријавил дека на ул. „Дебарска“ во Битола физички бил нападнат. Во друг случај, З.П. од Битола пријавил дека на улица „Кленоец” бил физички нападнат од едно лице.

На 06.09.2021 во СВР Битола, Е.К. (66) од Битола пријавил дека соседот А.И. (55) на ул.„Цветан Димов“ го нарушувал јавниот ред и мир, велат од СВР Битола.

Видео на денот