Напаѓачот во џамијата во Осло доби 30-дневен притвор – Слободен печат
ВестиПланета

Напаѓачот во џамијата во Осло доби 30-дневен притвор

Момчето е обвинето за убиство на својата полусестра и за терористички напад.

Судот во главниот град на Норвешка, му одреди 30-дневен притвор на 21-годишниот Филип Мансхаус, кој во саботата отвори оган во џамија на периферијата на Осло, јави телевизијата NRK.

Германска ДПА наведува дека следните две  недели Мансхаус ќе биде во целосна изолација, а за цело време на притворот ќе има забрана за кореспонденција со надворешниот свет и за посети

Момчето е обвинето за убиство на својата полусестра и за терористички напад.

Пред заседанието на судот обвинетиот изјави дека на новинарите им дозволува снимање.

Телевизиските кадри покажаа дека во судската сала Мансхаус се појави со модринки околу очите и рани по лицето и вратот.

Подоцна судот го затвори заседанието за јавноста.

Според неговата адвокатка, Уни Фрис, напаѓачот Мансхаус не ја признава својата вина и бара ослободување.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close