Познати се судиите кои ќе делат правда на Фајнал-фор турнирот во машката ракометна Лига на шампионите што ќе се одржи во Келн, Германија, на 14 и 15 јуни.

Во првото полуфинале на 14 јуни од 15.00 часот ќе играат Фуксе Берлин (Германија) и Нант (Франција), а овој меч ќе го судат Јонас Елиасон и Антон Палсон од Исланд.

Второто полуфинале е истиот ден од 18.00 часот помеѓу Барса (Шпанија) и Магдебург (Германија), а судии ќе бидат Славе Николов и Ѓорѓи Начевски од Македонија.

На 15 јуни од 15.00 часот е мечот за третото место, истиот ќе го судат Игор Ковалчук и Алексеј Ковалчук од Молдавија

А финалето за шампионскиот пехар е од 18.00 часот, и судиска правда ќе делат Бојан Лах и Давид Сок од Словенија.