Утре на верскиот празник Богојавление – Водици,  кога ќе има голема раздвиженост на граѓаните поради фрлање на крстот на повеќе локации низ Скопје, јавниот градски превоз ќе функционира редуцирано. Од ЈСП „Скопје“  информираа дека автобусите ќе сообраќаат по неделен возен ред, а исклучок ќе бидат линиите 18А, 32, 51, 56, 56А, 70, 74, 81, 118 и 180 кои ќе возат по саботен распоред.

По неделен возен ред ќе се вози и во сабота, на 20 јануари, со исклучок на посочените линии, кои ќе функционираат по саботен возен ред, иако сабота не е празник и нема никаква потреба да се редуцираат линиите.

Од ЈСП  соопштија дека утре ќе работат само дежурните билетарници во Транспортен центар и во Ѓорче Петров, од 7 до 14 часот, а во сабота  сите ќе работат со вообичаеното работно време.

Жичницата сите денови ќе работи од 10 до 17 часот.