Црна Гора ги продолжи актуелните епидемиолошки мерки до 30 јули, а во случај на промена на епидемиолошката состојба, тие без одлагање ќе бидат прилагодени на теренот, соопшти директорката на Клиничкиот центар на Црна Гора (КЦГ) Љиљана Радуловиќ.

Таа на прес конференција соопшти дека сите вработени во здравството и установитге за социјална и детска заштита кои не се вакцинирани, но не прележале корона, по враќањето од одмор ќе мора да направат ПЦР тест пред враќањето на работа.

Истакна дека досега во Црна Гора се вакцинирани над 70 отсто од лекарите.

Директорот на Институтот за јавно здравје (ИЈЗ) Игор Галиќ рече дека епидемиолошката ситуација во земјата е стабилна, и со оглед на фактот дека сезоната е во ек, може да дојде до благ пораст на бројот на заразени.