На мобилизираните Руси им се даваат едвај употребливи пушки, велат Британците
Британското Министерство за одбрана го објави најновиот извештај на военото разузнавање за ситуацијата во Украина.
Во него тие наведуваат дека од средината на октомври Русија испратила илјадници мобилизирани резервисти на линијата на фронтот во Украина. Во многу случаи резервистите се недоволно опремени, тврдат британските разузнавачи, па додаваат дека уште во септември руските офицери биле загрижени бидејќи мобилизираните резервисти пристигнувале во Украина без оружје.
Latest Defence Intelligence update on the situation in Ukraine – 31 October 2022
Find out more about the UK government's response: https://t.co/2ZQnn5d7fS
🇺🇦 #StandWithUkraine 🇺🇦 pic.twitter.com/EqeG41LZiK
— Ministry of Defence 🇬🇧 (@DefenceHQ) October 31, 2022
Посочуваат дека пушките што ги добиле мобилизираните резервисти се типични автомати од типот АКМ, кои се во употреба од 1959 година. Многу од овие пушки веројатно се во едвај употреблива состојба поради лошото складирање, велат од британското разузнавање. Тие наведуваат друг проблем, а тоа е дека пушките АКМ користат муниција од 7,62 мм, додека повеќето редовни руски војници користат пушки АК-74М и АК-12, кои користат муниција од 5,45 мм.
Интеграцијата на резервистите со единиците составени од војници со договор и професионални трупи значи дека руската логистика ќе мора да обезбеди два различни типа муниција за лично оружје, што веројатно дополнително ќе ги комплицира веќе преоптоварените логистички системи, велат британските разузнавачи.
