Времето денеска ќе биде прoменливо облачно со слаб до умерен ветер од јужен правец. Во попладневните часови ќе биде нестабилно со пороен дожд и грмежи. Локално ќе има појава на невреме со пообилен дожд, силни електрични празнења, силен ветер и услови за појава на град, соопшти Управата за хидрометеоролошки работи (УХМР). Минималната температура ќе биде во интервал од 13 до 22, а максималната ќе достигне од 28 до 36 степени.

Во Скопје се очекува променливо облачно време со повремен пороен дожд, грмежи и засилен ветер. Во делови од котлината ќе има појава на краткотрајно невреме со интензивен пороен дожд, силен ветер, електрични празнења и град. Минималната температура ќе се спушти до 18, а максималната ќе достигне до 33 степени.

До средината на следната седмица, подрачјето на Македонија ќе биде под влијание на влажен и нестабилен бран. Локално, повремено ќе има појава на невреме со пообилен дожд (над 30 л/м2) за кратко време, силни електрични празнења, силен ветер (над 60 км/час) и појава на град. Температурите значително ќе се намалат.