Скратувањето на работната недела од пет на четири дена, најмногу позитивно се одрази на продуктивноста на работниците и зголеменото производство. Сепак, да се очекува дека БиХ ќе го стори истото, барем засега, е малку веројатно, бидејќи не постојат единствени регулативи кои ја регулираат оваа област, анализира Н1.

„Финска беше првата што воведе четиридневна работна недела и се покажа како ефективна и за работодавците и за работниците. Меѓутоа, во Босна и Херцеговина се поставува прашањето дали работодавачите се посветени на такви работи, од проста причина што знаеме дека тие го земаат последниот атом сила од работниците за да го остварат својот профит“, нагласи Адис Кечо од Здружение на независни синдикати на Босна и Херцеговина.

Здружението на работодавачи на ФБИХ се уште нема официјален став по ова прашање. Сепак, ниската продуктивност не ја поддржува оваа идеја.

„Некои истражувања покажуваат дека ние во Босна и Херцеговина и во регионот имаме ефективно работно време од околу пет часа. Така што, додека не дојдеме во ситуација да имаме некои шест до седум часа ефективно работно време, мислам дека не треба да размислуваме за такво нешто“, е мислењето на Саша Аќиќ од Здружението на работодавачи на РС.