Поранешниот војник кој отслужувал 25-годишна затворска казна за силување и сексуално злоставување жени и тинејџерки, починал откако во затвор се заразил со ковид-19.

Серискиот силувач Денис Смоли кој со децении злоупотребувал седум тинејџерки и една жена починал во затворот од ковид на 70-годишна возраст, објави денеска „Дејли мејл“.

Денис Смоли од Хиндли во Виган во Велика Британија силувал седум жени и тинејџерки и сексуално злоставувал уште четири девојчиња, што вкупно траело околу 45 години. Една од жените што ги нападнал се породила. Другата жена ја силувал, сексуално злоставувал и напаѓал повеќе од една деценија, а многу од жртвите биле млади тинејџерки.

Dennis Smalley 29/07/50 guilty of multiple counts of rape,sexual assault & activity with a child
Jailed for 25 years pic.twitter.com/geKVaJAMd8

— GMP Wigan (@GMPWigan) March 19, 2016

Како што наведува „Манчестер ивнинг њуз“, Смоли почнал да напаѓа жени во седумдесеттите и продолжил да го прави тоа речиси 45 години. Неговите жртви – од кои некои биле злоставувани по дотерувањето – претрпеле „психолошки лузни“ по нападот.

Смоли, кој го добил прекарот „чудовиште“, бил осуден на 25 години затвор во затворот ХМП Вејкфилд во март 2016 година, на 65-годишна возраст. Поротата го прогласила за виновен по 44 обвиненија – 25 точки за силување, 16 точки за напад.

Неговата смрт е потврдена во понеделникот во официјалниот извештај на затворскиот народен правобранител, кој спроведува независни истраги за поплаки и смртни случаи во притвор. Смоли, како што се наведува, починал во болницата од пневмонија предизвикана од ковид-19 на 16 март.

Се наведува дека Смоли не го напуштал Вејкфилд во неделите пред да се разболи и затоа делува дека се заразил со коронавирусот во затворот. Осуденикот бил вакциниран на 25 февруари, но позитивно бил тестиран на 2 март. Неговата состојба се влошила и бил хоспитализиран на 11 март. Починал пет дена подоцна.

„Дејли мејл“ наведува дека Смоли е 26-тиот затвореник од Вејкфилд кој починал од ковид во март 2019 година.

Една од жртвите на Смоли, сега 43-годишна жена која забременила откако била нападната како тинејџерка во автомобилот во близина на гробиштата во Виган, во пошироката област Манчестер, го пријавила нападот кога се случил, но Смоли не бил кривично гонет, бидејќи некој дал лажно алиби, пишува „Виган тудеј“.

Таа рекла дека корановирусот „го оставил лесно да умре“ и ја ускратил понатамошна казна за „монструмот“ кој ѝ го уништил животот. Таа истакнала дека требало да „гние во затвор и да страда подолго“ доколку смртта не го спасела.

„Ова чудовиште се извлече премногу лесно“, рекла таа.

„Бев нормална, среќна ученичка со планови за живот, сакав да одам во војска, но тој човек за неколку брутални минути уништи сѐ. И ги трауматизираше животите на многу други жени.“

Поминало речиси половина век во текот на кој жртвата поминала низ различни трауми – следење и закани од страна на напаѓачот, психички проблеми и обиди за самоубиство. Ова траело сѐ додека член од семејството на Смоли не ја контактирал, повикувајќи ја повторно да истапи. Тогаш ѝ било кажано дека 28 жени дошле со обвинение за напад. По судењето во 2016 година, Смоли бил прогласен за виновен за 43 злосторства од страна на 11 жртви и осуден на 25 години затвор, што е најдолга казна досега за сексуален престапник во Виган.

Сега 43-годишната жртва имала 14 години кога се случил нападот и била пријателка на детето на кое Смоли му бил братучед. Жртвата и уште едно девојче го чувале детето во неговата куќа. Мислела дека може да му верува, но еден ден додека го чекала автобусот, Смоли застанал со автомобил и ѝ понудил превоз.

Наместо да оди кај другарката кај која одела, Смоли ја однел на другиот пат до гробиштата и ја нападнал.

– Ништо не зборуваше, ми ја искина облеката, се парализирав од страв. Кога заврши, се тресев. Му реков да ме однесе кај пријателката. Тој го направи тоа, но рече дека ќе ме убие ако некому кажам што се случило – изјавила жртвата.

Подоцна дознала дека е бремена и тоа го сокрила, но се открило кога се онесвестила на училиште. Рекла дека Смоли ја силувал, но неговата девојка му дала лажно алиби.

– Бев уништена – рекла таа.

Било премногу доцна за абортус и таа родила девојче, кое главно го одгледала нејзината мајка. Неколку години подоцна, жртвата повторно забременила со еден маж, но двете ќерки ги дала на посвојување.

„Не можев да се поврзам со ниту една од нив“, рече таа.

На крајот се омажила и добила уште две деца, но ниту тоа не траело. Таа се отселила од Виган, но доаѓала во посета на семејството, а Смоли, кој живеел во близина, продолжил да ѝ се заканува.

Дури во 2015 година кога ја контактирал братучед на Смоли кој поверувал во нејзината приказна и ѝ рекол дека и други поднеле тужба, таа повторно се обратила во полицијата.