Медиумите од Флорида трагаат по мистериозниот патник кој сам успеал да го слета авионот откако неговиот пилот се онесвестил.

Гласот на неидентификуваниот маж се слушнал на снимките од јавниот лет во аеродромската кула каде тој им кажал дека „нема идеја како да го запре авионот“.

Контролорот на летовите кој ги подучува новите пилоти му помогнал на човекот да се спушти до меѓународниот аеродром во Палм Бич нешто по пладне во вторникот.

Двајцата се сретнале на асфалтот во прегратка, но наводно не си ги размениле имиња.

„Имав сериозна ситуација. Мојот пилот се онесвести“, се слушна како вели човекот преку радиото од над 2.000 метри во воздухот.

Запрашан за неговото знаење од летање авион, тој одговори: „Немам поим“. Тој рекол дека само може да го види брегот на Флорида пред него.

„Одржувајте ги крилата на ниво и само обидете се да го следите брегот, или кон север или кон југ“, му рекол контролорот на летање. „Се обидуваме да ве лоцираме“.

„Не можам ни да го вклучам мојот екран за навигација“, им рекол тој во еден момент.

„Немам идеја како да го запрам авионот“, додаде тој. „Не знам како да направам ништо“.

Роберт Морган, контролор на летови на меѓународниот аеродром во Палм Бич, бил на пауза кога еден колега дошол да го извести за ситуацијата.

Долгогодишен инструктор за летање со над 20 години искуство во летањето, Морган никогаш не летал со конкретниот модел, но можел да ја користи мапата на пилотската кабина на авионот за да му даде инструкции на „пилотот“.

„Знаев дека авионот лета како и секој друг авион. Знаев само дека морам да го задржам смирен, да му укажам на пистата и да му кажам како да ја намали моќноста за да може да се спушти да слета“, изјави Морган.

На снимката се слуша како Морган го учи човекот да „притиска напред на контролите и да се спушта со многу бавна брзина“ додека се приближува за слетување.

„За кратко време, тој ни рече „Јас сум на земја. Како да го исклучам ова?“, се сеќава Морган.

Патникот и Морган потоа се сретнале на пистата, каде што се прегрнале и фотографирале. Но, целосно возбуден, Морган никогаш не го слушнал името на човекот.

Името не е снимено ниту во архивираната радио централа.

„Тогаш се чувствував како да плачам, затоа што имав бев полн со адреналин. Тоа беше емотивен момент. Тој рече дека само сака да се врати дома кај неговата бремена сопруга. Во моите очи тој е херој. Јас само си ја вршев работата “, изјави Морган за Си-Ен-Ен.

По слетувањето на авионот, на снимката може да се слушне Морган како го фали херојскиот патник на другите пилоти на асфалтот.

На другите пилоти не им се верувало дека обичен патник успеал да го исконтролира летот.

Федералната управа за авијација соопшти дека авионот бил приватно регистриран на адреса во државата Конектикат.

Тој полетал околу еден час порано од пристаништето Марш на Бахамите.

Пилотот бил пренесен во болница од пожарникарската служба на округот Палм Бич. Името и состојбата на пилотот не се објавени.