Денеска во натпреварот за третото место составот на Мешков Брест со резултат 29:24 го совлада ППД Загреб.

На Фајнал-фор турнирот во СЕХА Газпром лигата кој се одржува во Задар (Хрватска), во победничките редови на белоруската екипа доминираше Андреј Јуринок со седум голови.

На спротивната страна за хрватскиот претставник Немања Обрадовиќ петпати се запиша во листата на стрелците.

Мешков по третпат во својата клупска историја се закитува со бронзениот медал на Ф4 турнирите во СЕХА, претходно тоа му успеа уште во 2017 и 2019 година.

Од 20.30 часот е финалето во салата „Крешимир Ќосиќ“ помеѓу екипите на Вардар 1951 и Веспрем.