Германската канцеларка во заминување Ангела Меркел во четвртокот рече дека одговорот на климатските промени ќе бара радикална промена во начинот на живеење на луѓето, додека се сретна со папата Франциск за време на прошталната посета на Ватикан и Италија, пренесува Ројтерс.

Папата и другите верски водачи упатија заеднички апел во понеделникот на Конференцијата на ОН за климатски промени COP26 следниот месец да понудат конкретни решенија за спасување на планетата од „невидена еколошка криза“.

Меркел ја пофали позицијата на папата.

„Одговорот на човештвото на климатските промени ќе бара радикална промена во нашиот начин на живот“, рече Меркел пред новинарите, откако двајцата разговараа и за биодиверзитетот, иднината на Европската унија, светските конфликти и сексуалната злоупотреба во Црквата

Меркел и Франциск, кои се сретнаа неколку пати претходно, зборуваа приватно во папската библиотека на Ватиканската апостолска палата околу 45 минути.

Во интервју за шпанска радио мрежа минатиот месец, Франциск ја нарече Меркел, која ја предводеше Германија 16 години, „една од најголемите политички фигури во светот“.

Пред да се види со папата, таа го запозна германскиот језуитски отец Ханс Золнер и други во новите канцеларии на програмата на Папскиот Грегоријански универзитет за спречување на сексуална злоупотреба.

Во средата папата го изрази својот срам по големата истрага во Франција, која откри дека француското свештенство злоставувало повеќе од 200.000 деца над 70 години. Прочитај повеќе

Неколку истраги во Германија во изминатите неколку години, исто така, открија широка злоупотреба.

„Вистината мора да излезе на виделина“, рече Меркел по средбата со папата.

Во соопштението на Ватикан се вели дека Меркел и папата разговарале и за миграцијата и пандемијата.

Франциск (84) и даде на Меркел копии од некои негови списи и минијатурна репродукција на една од бронзените врати на базиликата „Свети Петар“ и таа му подари колекција од три тома за евангелијата и книга за Микеланџело.

Шеесет и седумгодишната Меркел, чии конзервативци загубија на изборите во Германија на 26 септември против социјалдемократите од левицата, подоцна се сретна со италијанскиот премиер Марио Драги, поранешен шеф на Европската централна банка, со седиште во Германија.

„Канцеларката успеа да ги води Германија и Европската унија со смиреност, решителност и искрен европеизам“, рече Драги на нивната средба во неговата официјална резиденција, Палацо Чиги, во Рим.

– Таа ја трансформираше улогата на Германија во Европа. Ќе ни недостига, рече тој.

Извор: Ројтерс