Германската канцеларка Ангела Меркел вакцината за коронавирусот ја нарече „зрак на надеж“ и истакна дека по пандемијата, ќе биде потребно да се создадат еднакви услови за живот за сите граѓани.

Пандемијата на коронавирусот ќе продолжи најмалку уште неколку месеци, изјави германската канцеларка Ангела Меркел. „Се разбира, најтешките месеци од пандемијата – мислам дека ова може да се предвиди – допрва следуваат“, рече Меркел, цитирана од Дојче веле.

Во исто време, канцеларката истакна дека благодарение на веќе достапната вакцина за коронавирусот, тешките времиња ќе бидат „придружени со зрак надеж“. По пандемијата, „ќе биде многу тешка задача“ да се создадат еквивалентни услови за живот за сите граѓани и во таа насока ќе биде важно да се спречи поделбата во општеството, вели шефот на германската влада.

Во Германија, откриени се над 26,3 илјади случаи на Ковид-19 во последните 24 часа, а потврдени се 1070 смртни случаи. Од почетокот на епидемијата во Германија, вирусот САРС-КоВ-2 е откриен кај 1.835.038 лица, 37.607 починале, а околу 1.474.000 се оздравени.

Во ноември Германија воведе второ затворање. На 5 јануари, на состанокот на претставници на германските сојузни држави и владата беше донесено решение за продолжување и засилување на ограничувањата. Особено, во градовите каде ќе бидат откриени повеќе од 200 нови случаи на инфекцијата на 100.000 жители. Во овие места на граѓаните ќе им биде забрането да ги напуштаат своите домови на повеќе од 15 километри без оправдана причина. Покрај тоа, продавниците за храна, фризерските салони, фитнес салите и другите објекти остануваат затворени. Училиштата ја спроведуваат наставата од далечина, а градинките се затворени.