Верските лидери и претставници на високообразовните верски институции, студентите и младите од верските заедници денеска имаа неформална средба, организирана од Комисијата за односи со верските заедници и религиозни групи

Целта на оваа средба, како што велат од Комисијата, била вмрежување и покажување на јавноста на кој начин функционираат верските заедници и да се пренесат пораките за меѓусебен дијалог, доверба и разбирање меѓу различните верски заедници во земјата.

-На неформалната средба се зборуваше за продолжување на оваа контруктивна соработка која со децении наназад се негува и е видлива меѓу верските лидери кои треба да бидат промотери на заедништво, мир, толеранција и да го градат духот на сплотеност која ќе се пренесе на сите граѓани. Сите ние знаеме колкава е моќта на еден верски лидер кој со свој личен пример ќе ја промовира сплотеноста и толеранцијата, рече претседателтака на Комисијата Оливера Трајковска.

Таа додаде дека бил постигнат договор сите заедно да продолжат со проекти кои имаат за цел да ги отстранат штетните појави како насилен екстремизам, нетрпеливоста и поделбите.

Исто така, се раговарало и за воведување на предметот на етика на религии во образовниот процес и тоа не како сега само во шесто одделение.

-Има иницијатива која е поднесена од страна на Асоцијацијата на вероучители поддржана од Комисијата и верските заедници до МОН за воведување на овој предмет и во шесто и во седмо одделенеие. Од изборен факултативен, како што е сега да прерасне во изборен задолжителен во 6 одделение како етика на религии, а во седмо како културно и религиозно наслество, рече Трајковска.

Таа истакна дека се размислува и за воведување на предметот етика од самиот почеток на образовниот процес па се до завршување на средното образаование.