Со својата одлука да го напуштат кралското семејство принцот Хари и неговата сопруга, американската актерка Меган Маркл неодамна објавија дека стануваат финансиски независни и дека повеќе нема да земаат пари од државните обврзници, ниту од семејството на принцот.

Поради тоа воопшто не изненади нивната одлука да вратат 2,4 милиони фунти јавни средства кои ги искористија за обнова на својата палата во Виндзор, откако тие го потпишаа договорот за работа со „Netflix“.

Палатата „Frogmore Cottage“ во Виндзор минатата година стана службена резиденција на принцот Хари и Меган Маркл, а во јануари тие објавија дека се повлекуваат од функциите и делувањето како високи членови на британското кралско семејство.

– Војводата од Сасекс (Хари) изврши уплата во кралскиот фонд, изјави портпаролот на парот.

– Уплатата на принцот Хари во целост ги покри трошоците потребни за реновирање на „Frogmore Cottage“ кој е во сопственост на нејзиното височество кралицата Елизабета и ќе остане британска резиденција на војводата и неговото семејство, се вели во извештајот.