Марк Маркез ќе мора да оди на подолг одмор
Иако беше најавено дека возачот на Репсол Хонда многу брзо ќе се врати на патеките по операцијата на раката, најновите информации велат дека го очекува подолба пауза.
Во првата трка сезоната, Марк Маркез имаше тежок пад кој доведе со скршеница на коската на раката поради што имаше операција неколку дена подоцна.
Првичните прогнози беа дека Маркез многу брзо ќе се врати на трките, но откако дојде до оштетување на плочката која беше прицврстена за коската, на Шпанецот му беше извршена втора операција за замена на плочката со што се продолжи рехабилитацијата.
Неговите шефови во Репсол Хонда одлучија да не му дозволат на Маркез предвреме да се врати на трките и по консултација до докторите, Маркез ќе биде на „продолжен одмор“ во наредните два-три месеци.
– Имаше многу шпекулации за состојбата на Маркез, се зборуваше за разни рокови на враќање посебно по втората операција. Нашата цел е јасна, сакаме да го имаме Маркез на патеката само кога ќе биде 100 проценти здрав. Не сакаме да избрзуваме, и ќе добие зелено светло за настап само кога ќе биде максимално подготвено – изјави тим менаџерот на Хонда Алберто Пуџ.