Маричиќ се сретна со О`Брајан и Агелер, разговарале за следните чекори за водење на државата кон ЕУ
Во пресрет на лидерската средба на земјите на Западен Балкан, утринава вицепремиерот за европски прашања Бојан Маричиќ, заедно со премиерот Димитар Ковачевски одржаа средба со стратешките партнери и блиски соработници од САД, помошникот државниот секретар за европски и евроазиски прашања Џејмс О’Брајaн и амбасадорката Анџела Агелер.
Како што соопшти Секретаријат за европски прашања (СЕП), на средбата беа потврдени ставовите за следните чекори кои е потребно да се преземат во однос на успешно реализирање на водење на државата кон Европската Унија.
На средбата, како што се наведува, беше истакнато дека создавањето сојузи и креирање мостови на пријателство и соработка во регионот се главна водечка стратегија за реализација на Планот за раст на Европската Комисија за интегрирање на државите на Западен Балкан во ЕУ.
– Главните определби на средбата беа дека наши приоритети на патот кон ЕУ се заложбата за реализација на реформите, соработката, поврзувањето преку финансиските инструменти кои ќе значат стабилно и сигурно развивање на државата и на регионот, се вели во соопштението од СЕП.