Малолетник со мотор удрил во паркирано возило, со тешки повреди пренесен во болница
Вчера околу 11 часот е пријавено дека на патот Кичево-Македонски Брод, малолетно лице управувајќи мотор изгубил контрола и се забил во паркиран автомобил. Мотоциклистот се здобил со тешки телесни повреди и итно бил пренесен во болница.
„На 23.08.2023 во 11.33 часот во ОВР Кичево било пријавено дека на регионалниот пат Кичево-Македонски Брод, 17 – годишник од с.Б.Доленци, управувајќи мотоцикл „сузуки” без регистарски ознаки, изгубил контрола и удрил во паркирано патничко моторно возило „фиат пунто” со кичевски регистарски ознаки, сопственост на Н.С..“, информираат од МВР.
По несреќата, мотоциклистот бил пренесен во Медицински центар Кичево каде му биле констатирани тешки телесни повреди. За настанот бил известен јавен обвинител, а увид на местото извршила увидна екипа од ОВР Кичево.