Претседаателот на Франција Емануел Макрон на заедничката прес-конференцијата со албанскиот премиер Еди Рама му порачал дека  „во сите регионални прашања неопходна е нормализација на односите меѓу Србија и Косово, каде што гласот на Рама бил многу значаен.

– Албанија е силен глас и во Советот за безбедност на Обединетите нации во последните две години. Бевте домаќини на регионален самит на кој го поканивте и украинскиот претседател Володомир Зеленски, што беше дополнително зајакнување на поддршката за Украина,  истакна Макрон, јави Ора њуз.

Рама, од своја страна, високо ги  оцени односите меѓу двете земји, додавајќи дека „Албанците ги ценат своите пријатели”.

-Албанците беа скептични кон Франција пред неколку години, но сега знаат дека Албанија има уште еден пријател. Ние Албанците не сме богати, но имаме единствена способност: Ако еден ден бидете во момент на тешкотија, повикајте Албанец и тој ќе дојде,  рекол тој.