По освојувањето на трофејот на турнирот во Тунис, за очекување беше дека македонската тениска надеж ќе запише уште поголем напредок на листата најдобри играчи во светот.

Калин Ивановски доминираше изминатиот период со одлични игри елиминирајќи и фаворити на споменатиот турнир, а тоа му донесе огромен скок на АТП ранкинг листата.

Титулата во Тунис му донесе скок од дури 310 позиции и сега го прави 779 тенисер во светот, што е негов најдобар пласман.

Доколку продолжи со ваквите успешни настапи, можно е наскоро уште подобро да котира на АТП.

На врвот е Данил Медведев од Русија со 6,885 поени, пред Германецот Александер Зверев, а на третата позиција е Рафаел Надал.