Македонскиот репрезентативец Зајков пред трансфер во Бугарија
Левски ќе потпише со македонскиот одбранбен репрезентатиец Ѓоко Зајков. Тој сега е слободен игра и нема пречки за да направи трансфер во Бугарија.
Во петокот вечерта, 26-годишниот фудбалер го раскина договорот со белгискиот клуб Шарлроа. Интересно е што Левски веќе зеде еден играч од овој клуб – го позајми поранешниот капитен Иван Горанов.
Како што информираат бугарските медиуми, Зајков се очекува најдоцна во понеделник да биде во Софија.
Неговите услови според договорот со Левски веќе се разјаснети. Доколку успешно ги помине медицинските прегледи, нема да има пречки да го облече дресот на „сините“.
Во својата клупска кариера пред да се пресели во Шарлроа ги бранеше уште боите на Работнички и Рен од Франција.
Интересно е што последните официјални натпревари на дефанзивецот ги има со македонската сениорска репрезентација. Во октомври и ноември минатата година одигра четири натпревари во УЕФА Лигата на нации.
Во најсилниот бугарски шампионат Левски не започна најдобро, после четири кола има три порази и една победа.