Се играат натпреварите од третото квалификациско коло во Лигата на Европа, а поблиску до пласман во плеј-офот во ова натпреварување е шведскиот Хакен на македонскиот интернационалец Филип Трпчевски.

Во првиот меч одигран во Литванија Хакен со 1:3 го совлада Жалгирис, за гостите Трпчевски влезе во игра во 77 минута при резултат 0:3.

Реваншот во Шведска ќе се игра на 17 август, а победникот од овој двомеч во плеј-офот на ЛЕ ќе игра против шкотскиот Абердин на нашиот репрезентативец Бојан Миовски.

Заврши уште еден меч во Лига Европа, азербејџанскиот Карабах дома со 2:1 триумфираше над финскиот ХЈК на нашиот голман Дејан Илиев.

Потсетување дека чуварот на мрежата поради повреда ќе ги пропушти сите натпревари до крајот на сезоната во Финска.