Македонија пред три дена протерала тројца руски дипломати, тврди амбасадата на Руската Федерација во земјава, пренесувајќи став на портпаролката на руското Министерство за надворешни работи, Марија Захарова објавен на социјалните мрежи.

Захарова тврди дека македонскикте власти не ги објасниле причините за нивно прогласување за персона нон грата. Во објава на платформата X (Твитер), портпаролката на руското МНР го нарече македонскиот потег како неодговорен и непријателски чекор кој нема да остане без одговор.

#Захарова: 💬 На 12 септември властите на Северна Македонија, без објаснување на причините, прогласија три дипломати на Руската Амбасада во Скопје за «persona non grata».
Неодговорниот и непријателски чекор на властите на Северна Македонија нема да остане без одговор. pic.twitter.com/NUqMigVASN

— Посольство России МК (@Russian_Emb_MKD) September 15, 2023

Се уште нема одговор од Министерството за надворешни работи за руските тврдења, дека се протерани тројца нивни дипломати.