Македонија е единствена во регионот каде социјалниот дијалог со синдикатите и работодавачите е жив, вели Тренчевска
„Пред две недели бев на конференција на земјите од Западен Балкан во Будимпешта и ние сме единствената земја каде социјалниот дијалог е жив, каде има социјален дијалог и законите и колективните договори се носат низ дијалог на социјалните партнери, вклучително и синдикатите и приватниот сектор“ рече министерката за труд и социјалната политика, Јована Тренчевска во „Топ тема“ на Телма.
Таа додаде дека се што е во интерес на работниците, за поголеми права, минува низ економско-социјалниот совет, кој во 2023 година одржал 12 седници.
„Тоа е потврда дека дијалогот меѓу синдикатот, работодавачите и Владата е дијалог што се почитува“ рече Тренчевска.
Министерката додаде дека комуникацијата со синдикатите е постојана и дека и во следната, 2024 година соработката меѓу Владата и синдикатите ќе продолжи како и досега.