Фантастичен потег на еден од најдобрите тенисери на светот, Рафаел Надал при резултат 5:2 и 3:30 во четвртиот сет, кој тамошните медиуми го прогласија за најдобар во кариерата на Шпанецот.

Рафа ја дигна публиката на нозе, а на овој поен се израдува и еден од најплатените спортисти на светот, голферот Тајгер Вудс.

И самите фанови на социјалните мрежи освен што се одушевени од потегот на Надал, се и изненадени од таквата реакција на Вудс кој воглавно го знаеме како смирен, а и неговиот спорт е таков.

Шпанскиот тенисер за пласман во големото финале ќе игра против аргентинскиот натпреварувач Диего Шварцман.

Надал има и отворен пат кон титулата на УС Опен, бидејќи елиминирани се Новак Ѓоковиќ и Роџер Федерер.