Крај и за Федерер, елиминиран од 78 играч на светот! (ВИДЕО)
Григор Димитров (78, АТП) после пет сета со 3:6, 6:4, 3:6, 6:4 и 6:2 го елиминираше еден од фаворитите за освојување на „УС Опен“.
Тоа е уште една голема елиминација на турнирот, откако претходно настапот го заврши и првиот светски рекет Новак Ѓоковиќ, па така сега Рафаел Надал има најголеми шанси за тронот во САД.
Бугаринот за првпат во својата кариера го совлада Федерер и тоа во осмиот обид. За пласман во големото финале ќе игра против Данил Медведев кој пак со 7:6 (6), 6:3, 3:6 и 6:1 беше подобар на Станислас Вавринка за комплетирање на тажниот ден на швајцарските тенисери.
Втората полуфинална двојка во машка конкуренција треба да биде комплетирана после останатите две четвртфинални средби: Беретини-Монфис и Шварцман-Надал.
Кај жените Американката С. Вилијамс убедливо со 6:1 и 6:0 ја совлада претставничката од Кина, В. Кианг и во полуфиналето ќе игра со Украинката Елина Свитолина која двапати со 6:4 ја исфрли Јоана Конта од Велика Британија. Во останатите мечеви од четвртфиналето силите ќе ги одмерат Бенчиќ-Векиќ и Андрееску-Мертенс.