Вечерва во Лигата на шампионите се играат нови два натпревари од првата рунда во нокаут фазата, а дербито е на „Енфилд“ каде што гостува актуелниот европски шампион Реал Мадрид.

Овој натпревар помеѓу Ливерпул и Реал е реприза на минатогодишното финале во најелитното европско натпреварување. Карло Анчелоти имаше проблеми и беше принуден вечерва да започне без Орлиен Чуамени и Тони Крос кои се повредени.

На спротивната страна под знак прашалник за настап беше Дарвин Нуњез, меѓутоа тој сепак е во стартниот тим на Клоп. Можеби мало изненадување е што младиот Бајчетиќ добива прилика од првата минута.

ЛИВЕРПУЛ:  Алисон; Арнолд, Гомез, Ван Дајк, Робертсон; Хендерсон, Фабињо, Бајчетиќ; Салах, Нуњез, Гакпо. 

РЕАЛ МАДРИД: Куртоа; Алаба, Рудигер, Милитао, Карвахал; Модриќ, Камавинга, Валверде; Винициус, Бензема, Родриго.

Во вториот натпревар вечерва во Германија се среќаваат Ајнтрахт Франкфурт и Наполи на Елиф Елмас. Македонскиот фудбалер шанса ќе чека од клупата за резерви.

АЈНТРАХТ ФРАНКФУРТ: Трап, Тута, Јакиќ, Ндицка; Бута, Камада, Соу, Макс; Линдстром, Коло Муани, Геце. 

НАПОЛИ: Мерет; Оливера, Ким, Рахмани, Ди Лоренцо; Зиелински, Лоботка, Замбо Ангиса; Кварацкелија, Осимен, Лозано;