Етичка комисија на Лекарска комора утре ќе одлучува дали директорката на Клиниката за кожни болести, Нина Цаца Биљановска која свесно на ризик од коронавирус ги изложила пациентите, и колегите, ќе добие опомена или пак јавна опомена. Засега не можат да и ја одземат лиценцата, бидејќи во Законот за здравствена заштита не е предвидено како да се постапува ако некој доктор свесно го загрозува јавното здравје. Ова денеска на прес конеференција го истакна претседателката на Комората, д-р Калина Гривчева- Старделова.

„Свесното загрозување на јавното здравје подлежи на Кривичен законик, ако Судот наложи да и се одземе лиценцата на докторката, тогаш така ќе се постапи, рече Старделова.

Од лекарската комора апелираат здравствените работници да се придржуваат до препораките на СЗО.

„Ние не сме епидемиолози, и не можеме да ги коментираме препораките на Министерството за здравство, но веруваме дека доколку се следат дадените насоки, значително ќе биде мал бројот на новозаразени од коронавирусот“. Апелираме докторите на медицина и другите здравствени работници да ги почитуваат и да се придружуваат додадените упатства во целина. Лекарската комора апелира докторите на медицина и сите здравствени работници да се однесуваат како што доликува на докторската професија, одговорно и разумно, како и да ги почитуваат дадените препораки, упатства и насоки, истакнаа од Лекарската комора.