Кошаркарот на Реал Мадрид и репрезентативец на Шпанија, Руди Фернандез објави дека по завршувањето на сезоната заминува во кошаркарска пензија.

На конференцијата за медиуми пред евролигашкиот натпревар помеѓу Реал Мадрид и Басконија во Мадрид, Фернандез најави крај.

„Веќе сум стар и почнувам да размислувам за други работи. Ми останаа уште неколку месеци и се надевам дека ќе дадам свој доприност. Се чувствував многу сакано, но и ова се завршува. Останаа уште неколку месеци да продолжам да уживам со своите соиграчи“, изјави Фернандес кој го слави својот 39. роденден.

Кариерата Фернандез ја започна во Хувентуд од Бадалона, а во два мандати го облекуваше дресот на Рeaл Мадрид. Во меѓувреме се проба и во НБА лигата во дресот на Портланд и Денвер.

Со репрезентацијата на Шпанија освои златен медал на првенствата во 2006 и 2019 година. Освојуваше и сребрен медал на Олимписките игри во 2008 година во Пекинг и во 2012 година во Лондон, како и по една сребрена и бронзена на европските шампионати.