Лажна дојавата за бомба на скопскиот аеродром, досега проверени и дел од училиштата
Антитерористичките единици на МВР ги завршија проверките во Аеродром Скопје и во дел од училиштата и потврдено е дека станува збор за лажни пријави, соопшти Министерството.
По завршувањето на проверките во другите објекти, соодветно ќе извести полицијата.
Утрово во СВР Скопје и СВР Битола било пријавено дека на електронските адреси на десет училишта во Скопје и пет во Битола, како и во Фудбалската федерација на Македонија, хотел Александар Палас, хотел Мериот, трговски центар Ист Гејт, спортска сала Борис Трајковски и Меѓународен Аеродром Скопје е упатена закана за поставена експлозивна направа.
Веднаш по добиените пријави, од полициски службеници се преземени мерки за безбедно евакуирање на објектите и во тек се антитерористички проверки и се преземаат мерки за расчистување на случаите.
ТАВ Македонија соопшти дека летовите не се откажани, но сообраќајот по добената закана е запрен, a истовремено целиот персонал и сите патници и/или минувачи кои беа затекнати на аеродромот биле безбедно евакуирани, додека единици на Министерството за внатрешни работи ги правеле проверка на објектите на аеродромот.