Лажат оние што тврдат дека Путин е болен, се крие во бункер и користи двојник, тврди Кремљ
Кремљ денеска ги отфрли тезите дека рускиот претседател Владимир Путин користи двојници, нарекувајќи ги „лаги“. Портпаролот на Путин, Дмитри Песков, исто така ги негираше гласините дека Путин поголемиот дел од времето го поминува во бункер.
„Веројатно сте слушнале дека тој има многу двојници кои работат за него додека тој седи во бункер“, рече Песков на конференција во Москва. „Уште една лага“, додаде тој, смеејќи се.
„Можете сами да видите каков е нашиот претседател: тој отсекогаш бил и сега е суперактивен, а оние што работат со него тешко можат да го следат“, додаде Песков.
„Се разбира, тој не седи во ниту еден бункер. И тоа е лага“, рече тој.
Кремљ, исто така, постојано ги отфрла шпекулациите дека Путин е болен.