Лампард и официјално седна на клупата на Евертон
Поранешниот фудбалер на Челси и на англиската репрезентација, Френк Лампард, денеска и официјално е претставен како нов менаџер на Евертон. Лампард доаѓа на местото на Рафаел Бенитез кој доби отказ по лошите резултати сезонава, Евертон по 20 кола има само 19 бода и се наоѓа на 16 место на табелата во Премиер лигата.
✍️ | Everton Football Club can confirm the appointment of Frank Lampard as the Club’s new manager.
— Everton (@Everton) January 31, 2022
Тој со Евертон потпиша договор до 2024 година, а дебито на клупата на „карамелите“ ќе го има на 5 февруари во натпревар од четвртото коло од ФА купот против Брентфорд.
– Голема чест ми е да го претставувам и водам тимот кој има традиција и големина како Евертон, Со нетрпение чекам да почнам со работа, а по разговорите сосопственикот, претседателот и со луѓето од Управниот одбор, ја почувствував нивната страст и амбиција. Се надевам дека и тие ја почувствуваа мојата желба за работа и успеси – изјави Лампард.