Двата германски овчари кои им припаѓаат на Џо Бајден и првата дама Џил Бајден се вратени минатата недела во семејната куќа на Бајден во Делавер поради агресивното однесување на кучето Мејџор во Белата куќа, открива Си-Ен-Ен.

Кучето Мејџор, кого Бајден го вдоми во ноември 2018 година од засолниште за животни во Делавер, наводно каснал член на обезбедувањето на Белата куќа. Точната состојба на жртвата не е позната, но инцидентот бил доволно сериозен, така што кучињата морале да се дислоцираат од Белата куќа во Вилмингтон во Делавер, каде и ќе останат.

?I’m so excited that the Senate passed the American Rescue Plan my dad @POTUS worked so hard on, that I didn’t have the patience to let the hoomans take the leash off, I started my zoomies with the leash pawttached! The South Lawn is our dog pawrk now. This is a happy day! pic.twitter.com/55WOV6Jd2U

— The Oval Pawffice® ?? Fans (@TheOvalPawffice) March 6, 2021

Според Си-Ен-Ен, Мејџор, кој има три години, неколкупати ги нападнал персоналот и обезбедувањето на Белата куќа.

Постариот од германските овчари на Бајден, Шампион има околу 13 години.

Кучињата беа донесени во Белата куќа во јануари, неколку дена по инаугурацијата на Бајден.

Мејџор влезе во историјата како прво вдомено куче кое се вселило во Белата куќа.

ФОТО | Милениците на претседателот Џо Бајден: Во Белата куќа за прв пат живее посвоено куче од прифатилиштето