Фронтменот на хеви-метал групата „Ајрон Мејден“, Брус Дикинсон, доби улога во новиот хорор-филм со зомби „Бјорн на мртвите“ (Bjorn of the Dead).

Приказната се базира околу трибјут-бендот „АББА“, кој заглавува во третокласен ноќен клуб на натпревар за трибјут- бендови, ноќта на почетокот на апокалипсата.

Како што објави „Дедлајн“ пред неколку дена, водечкиот лик Бјорн и неговиот бенд „мора да работат заедно за да се спасат себеси, човештвото и иднината на музиката“.

Ова не е прв налет во светот на филмот за искусниот и сестран Дикинсон. Тој го напиша сценариото за научно-фантастичниот хорор „Хемиска свадба“ (Chemical Wedding) во 2008 година, во кој Сајмон Калоу го играше професорот Оливер Хадо / Алистер Кроули, најпознатиот окултист и мистик на 20 век. Тој самиот имаше мали улоги во тој филм.

Пејачот на групата е еден од многуте познати луѓе од светот на рокот и хеви-металот кои ќе се појават во филмот. Сценарист на филмот е синот на Брус, Остин Дикинсон, а се базира на оригинална приказна на Ендрју Прендергаст.