Крокодилот долг 1,6 метри лежел во езерце во населбата Ботунец во Софија бидејќи бугарските власти не можеле да го отстранат поради бирократски препреки. Успеале дури по третиот обид и крокодилот сега е во зоолошката градина на бугарската престолнина.

Рептилот по име Кроко, сопственикот го ставил во мал „импровизиран базен“, кој всушност е дупка од кал со церада во средината на грмушките во близина на станбените згради. Откриен е од страна на инспекција која го истражува незаконското сечење дрвја, пренесува „Политико“.

Сепак, обидите да се пресели Кроко во вторникот се претворија во фарса. Градоначалничката Љиља Донкова се пожали дека од минатиот месец бара од еколошките и ветеринарните власти да направат нешто, но без одговор.

„Едноставно останувам без зборови. Имам чувство дека во оваа земја едноставно нема државни институции“, изјавила Донкова за бугарската телевизија „НОВА“.

Човекот кој тврдел дека е негов сопственик рече дека има точна документација и дека Кроко бил користен за циркус. Тој, исто така, ги уверува сите дека неговиот миленик не гризе.

Градските власти се чинеше дека се целосно неподготвени за вакво нешто и покрај инсистирањето на стручњаците за животни дека Кроко треба да се пресели во средина посоодветна за регулирање на неговата телесна температура, бидејќи по топлото лето ќе дојде многу студена зима.

Кроко конечно бил преместен во третиот обид, две недели по извештајот од увидот. Се испоставило дека е чипиран, но дека човекот именуван само како Минко всушност не бил сопственик.

За жал, мускулите на Кроко значително ослабнале поради несоодветна нега, но сега се опоравува, изјавил херпетологот Георги Крастев.

Огромен крокодил живее меѓу згради во Софија, наводниот сопственик не дава да го однесат во Зоолошка