Кристијано Роналдо (40) синоќа ја доби наградата од Португалската фудбалска федерација за најдобар играч на сите времиња, а на церемонијата на доделување на наградите зборуваше за иднината.

Португалецот ја додаде оваа награда на десетици други индивидуални награди што ги освоил, и дојде во Португалија за собирот на репрезентацијата, која ја очекуваат квалификациските натпревари за СП 2026 против Ирска и Унгарија овој викенд.

– Знам дека веќе сум ви досаден со сите овие награди. Но, среќен сум и горд на оваа награда и мислам дека сè уште имам многу да му дадам на фудбалот. Мојот план е јасен. Сакам да играм фудбал уште неколку години. Сè уште играм добро, им помагам и на мојот клуб и на мојата репрезентација, а зошто да не продолжам? Немам уште многу години на теренот, но сакам да уживам во нив максимално. Повеќе не правам долгорочни планови, туку краткорочни, така е поинтересно. Целта сега е да се квалификуваме за Светското првенство, а ќе видиме што ќе се случи таму – рече Роналдо на церемонијата.

Роналдо неодамна го продолжи договорот со Ал Наср до летото 2027 година и јасно е дека има намера да го доврши до крај.

Португалецот веќе одигра 111 натпревари во Саудиска Арабија и постигна 98 гола и 20 асистенции.